أخبار النوخذة
دليل الكويت أخبار السوق

أخبار النوخذة - رياضة - Scuba diving experience دورة تدريب غوص سكوبا

Scuba diving experience دورة تدريب غوص سكوبا


DSC08694_edited-1

بعطله عيد الاضحى كنا مخططين نسافر بس الله ما كتب لنا وبدال ما اضيع اجازه 9 ايام بمطاعم ونوم وسوق اشتركت مع

Bubbles Diving Center

دورة تدريب غوص لمدة اسبوع

شهادتهم معترف فيها عالميا ومعتمده من منظمه

NAUI

وعشان ناخذ الشهاده والليسن لازم نكمل 4 غوصات

اول يومين من الدورة محاضرات بمركز الصبيح مع المدرب عبدالرحمن العنيزي عن المعدات والاحتياطات والمخاطر الي ممكن تصير وشلون نتجنبها

ثالث يوم تدريب بالمسبح مع المدربه العسل دلال العمر

DSC09024_edited-1

رابع يوم غوصتين بجزيره قاروه

طبعا ما تقارن غوصة المسبح بغوصة البحر الوضع كان يخرع اكثر من المسبح واكيد ضغط الماي اقوى بس استمتعنا :D

DSC08700_edited-1

الرؤيه مشالله عجيبه والماي صافي كان ودي اصور تحت الماي بس حسافه كامرتي حدها 3 متر تحت الماي :(

معلومه: يقولكم سموها قاروه لان فيها قار طبيعي يعني تسبحون بنفط كشخه :P

???????????????????????????????-

خامس يوم غوصتين بجزيره كبر

???????????????????????????????

DSC08961 (2) copy

اول شي عبالي نجمه البحر متحوله بس طلع هالكائن ينقال له كوكيز البحر او دولار البحر :P


واهوا وقنفذ البحر كان في منهم وايد بكبر
DSC08948_edited-1

ولي هني خلص يومنا بكبر على منظر الغروب

والحمدالله كملت 4 غوصات وشطبنا الغوص من ال

Wish list :D

DSC08828_edited-1

اليوم السادس عباره عن اخر محاضره واستلام الشهاده والليسن

Untitled

الحلو لما تخلصون الدوره و تاخذون الليسن تقدرون تطلعون معاهم البحر بالويكند بس للاسف اشتركنا على نهاية موسم الغوص وهذا اخر اسبوع لهم , يردون يبطلون شهر 4 انشالله

اذا ودكم تجربون شي يديد وتكسرون روتين ضروري ضروري تجربون الغوص والله شعور عجيييب ما ينوصف حتى لو ما تعرفون تسبحون عادي اشتركوا وجربوا مافي شي اسمه مستحيل

وللعلم انا ما اعرف اسبح حدي حدي عاليال ولا اغرق بعد :P بس تشجعت وتعلمت والمدربين ماقصروا

المـدربيـن: عبدالرحمن السرهيد, عبدالرحمن العنيزي, فواز خزعل, طلال الزمانان ودلال العمر ….. يعطيكم ألف ألف ألف عافيه تعبتكم معاي ,كلمه شكرا ما توفي بحقكم


Scuba diving experience دورة تدريب غوص سكوبا

تعليقات (2)
بشترك
احمد الرشيدي
اى وسلة اتصل بيكم
محمود غالى
مشابهه لـ Scuba diving experience دورة تدريب غوص سكوبا
ملعبين عشب صناعي في النادي العربي بالمنصورية Footb Cristiano Ronaldo and Pelé Emirates all ديفيد ومارسيلو في اعلان لشركة طيران Kuwait Shooting Federation ميادين صباح الاحمد للرماية "الخرطوش" تراب، دبل تراب، سكيت غوص في اكواريوم المركز العلمي Fawaz Alshatti Diving with sharks in Aquarium Kuwait بعد 23 سنه الا شهرين بتعلم اركب قاري بو تايرين! Scuba diving experience دورة تدريب غوص سكوبا مجموعة شباب لدهم موهبة خطيرة جدا سكاي دايف في الكويت فيديو رائع لفنانة مبدعة ترسم وجوه اللاعبين رونالدو و ميسي و نيمار باستخدام كرة القدم و الالوان في ترويج للاعلان عن قرب دوري كأس العالم اكسسوارات كاس العالم في مركز سلطان ديكاثلون – مارينا مول Torch تورش الحدث الرياضي والصحي الأول في الكويت 24-1-2015 تنطلق بطولة الامير الدوليه للرماية في نسختها الرابعه نادي الرماية الكويتي يفتح التسجيل للرجال والنساء استاد جابر الدولي .. تحفة معمارية تستحق الثناء #راح_نلعب الالعاب النارية والأوبريت الخاص في افتتاح استاد جابر حفل افتتاح استاد جابر الأحمد الدولي بطولة تحدي الأبطال لرماية السبورتنج جدول بأهم المباريات كورة القدم ليوم الثلاثاء