يوجد حاليا في الجراند افنيوز (مقابل چيزكيك فاكتوري) بوب اب (بوث) خاص لاطلاق العطر الجديد من بربري
My Burberry

عطر على رائحة الورد المستوحاه من حديقة لندن بعد المطر

وحتى الزجاجه مستوحينها من شكل كوت بربري المشهور .. الربطه اللي على العطر من نفس القماش المستخدم بالكوت وحتى القطعه اللي يسكرون فيها الزجاجه من نفس الماده اللي يصنعون منها زراير الكوت

مسوين فكره حلوه في البوث وتضيف شي شخصي على زجاجه العطر هو حفر احرف من اساميكم على الزجاجه
جميله للاحتفاظ فيها او اهدائها

قيمه العطر حجم ٩٠ مل ٥١،٥ دك واذا شريتوه من البوث يحطونه لكم بعلبه مرتبه ويعطونكم اياه مع الميست والشاور اويل
اما قيمه حجم ٥٠ مل هو ٣٦،٥ دك

البوث موجود الى تاريخ ٦ اكتوبر

my burberry perfume اكتب اسمك على عطر بربري الجديد