الشي اللي تشوفونه فوق

اهو مسدس الزينة بس شغل قبل

كانوا البنات او الأهل اذا عندهم مناسبة ولا عيد ميلاد ياكلون ريوق و عشا بيض كل يوم علشان ايمعون كمية بيض محترمة:)

و تالي ينظفونها من الداخل و يعبونها ورق زينة صغار و يسكرونها

ووقت المناسبة يصير تحذف بالبيض على الطوفة و تتناثر الزينة

قمة البساطة و قمة الفرحة

و ذاك اليوم كانت عندنا مناسبة و حبينا نعيد امجاد الماضي

قلت اصورلكم الطريقة ممكن تفيدكم لان وايد سألوا عنها بالانستغرام

كل اللي نحتاجه

بيض

ورق زينه و ترتر

مقص

و لزاق

بطريقة معينه نكسر البيضة و نفرغها من المحتويات

نغسلها عدل و تالي تخليها تنشف

و عقب ما تنشف نحط داخلها ورق الزينه او الترتر بس لا تترسونها حيل و لا تحطون ورق وايد

وعقب نحط لها لزاق ببس صوب الفتحة علشان لا تطلع الزينة

وتقدرون اتزينون الشكل الخارجي

و عقب تحذفون البيض على الطوفة و راح يصير زينة متناثرة

شي بسيط و سهل و حلو تخلون اليهال يسوونه
معاكم و او انتوا اتسوونه و تحتفلون مع رفيجاتكم

شعور حلو لما تنحذف البيضة

سهلة و بسيطة

Decorated Egg بيض الزينة للحفلات العيد ميلاد