امس غدانا كان من المطعم الصيني ووك اند قو
كان المفروض الاكل لشخصين بس اللي وصل يكفي اكثر من ٦ كثر الله خيرهم

بالنسبه لي مو ذاك الزود مع المطبخ الاسيوي
الياباني توني بديت اكله بس المكوت اللي مكوناته كويتيه مو يابانيه بيور
والصيني جربته من قبل ما تآقلمت معاه
لكن هالمره الاكل وايد عجبني مو مجامله بس طيب جدا

الشوربات
Chicken & sweet corn soup
شوربه دياي مع الذره الحلوه
وايد حلوه الشوربه وواصله حااااااره

Wok & Go Special soup
حدها عجيبه نعاها ربيان بس كلش ماحسيت بطعمه وتشكيله خضار ونودلز بصلصه الكريمه

السلطات
حبيت طريقه علب الاكل يشوقون

Crab Salad
سلطة القبقب
تشكيله خضار مع القبقب والافوكادو وصلصه خاصه
كانت عاديه ماحبيتها وايد

Asian Chicken Salad
سلطه اسيويه مع الدجاج
قطع دياي مشوي مع خضار اسيوي طازج وصلصه اسيويه خاصه
وايد لذيذه
Side Dishes
كل علبه معاها الصوص الخاص فيها
sweet & sour, Sweet chili, hot chili & the thai red

Thai vegetable spring rolls
لفائف محشوه بالفطر والبصل والفاصوليا والجزر
وايد طيب مع السويت شيلي صوص

Volcanic Shrimps
ربيان مقلي مع صلصه الفولكانيك الخاصه
الصلصه حااااره تصلخ اللي يحبون الفلفل لازم تجربون هالربيان مع صلصته

Fire Cracker Prawn
ربيان مع الفستق السوداني مغلف برقائق الوان تون المقرمشه
هذا الشي خيااااالي وايد وايد لذيذ

Crab Cheese Wontons
رقائق الوان تون محشوه بالقبقب وكريمه الجبنه مع الصلصه الحاره
شكلها يشوق بس ماقدرت اكملها وايد زفرررره
انا كلش ماحبيته بس الناس اذواق يمكن يعجبكم

Sesame Chicken
قطع الدياي مع البروكلي والفلفل الاحمر والاخضر الحلو والبصل ومغطى بصلصة السمسم
وايد لذيذ

Mongolian beef
شرايح لحم بقري مع بصل اخضر وثوم وصلصه خاصه
طيب جدا

Sweet & Sour Chicken
نودلز البيض مع الدياي والفلفل الاخضر والخضار الاسيويه مغطاه بصلصة الحلو الحامض
لذيذ

عيش ابيض

For Delivery Call 22202225
Instagram @Wokngo_Kw

Wok & Go تجربة مطعم ووك & جو الكويت